GRUPO CUEVAS TRIPLICA A súa PRESENZA EN ASTURIAS E DÁ CONTINUIDADE A MEDIO MILLEIRO DE EMPREGOS

Tras varios meses de negociacións e os trámites necesarios para consolidar a operación, Grupo Cuevas fixo efectiva hoxe a compra de 29 supermercados e dúas plataformas loxísticas pertencentes ata a data a Alimentos El Arco. A compra inclúe, tal e como se fixou no preacordo, 17 supermercados O Economato e 12 tendas El Arco, ademais do centro loxístico dedicado a froita e peixe en Mercasturias, e o situado na Felguera dedicado á charcutería.
Grupo Cuevas mantén o emprego de case 500 persoas que seguirán dando servizo en cada un dos centros incluídos no acordo e que se unen ás máis de 800 que xa desenvolven o seu labor actualmente no grupo. Son persoas asignadas a supermercados e ao equipo de supervisión, as que desenvolven a súa actividade nas plataformas loxísticas, e as que se unen ao equipo administrativo e de xestión.