A COPE ENTREVISTA A ARTUR YUSTE TRAS A PRESENTACIÓN DE RESULTADOS DO EXERCICIO 2023

Onte pola mañá, Cope Ourense entrevistou a Artur Yuste, director xeral de Grupo Cuevas, para compartir os bos resultados da compañía en 2023, que o ano pasado obtivo 206 millóns de euros, un 16,3% máis que no exercicio 2022. O beneficio bruto conquista o nivel dos 40 millóns de euros e o ebitda o dos 10 millóns.

Juan Maceiras, presentador do programa, mostrou interese por temas realmente importantes para Grupo Cuevas como a recente expansión territorial e o emprego. Artur explicou que agora mesmo temos 140 puntos de venda repartidos entre Castela e León, Asturias, Cantabria e Galicia. Afirmou que en Asturias “entramos en 2021, fomos crecendo e chegamos a un bo fin”. A recente adquisición de Alimentos El Arco de Asturias achegou un crecemento superior ao 50% no persoal, situándonos agora con 1.300 traballadores, e en superficie de venda, con 85.000 metros cadrados.